"இறக்கும் முன் இத பாக்கணும்..."- கவாஸ்கர் உருக்கம் | Sunil Gavaskar | Dhoni

தோனியிடம் ஆட்டோகிராஃப் பெற்றது உணர்வுப்பூர்வமான தருணம் என இந்திய கிரிக்கெட் அணியின் முன்னாள் வீரர் சுனில் கவாஸ்கர் நெகிழ்ச்சி தெரிவித்து உள்ளார். தோனியிடம் ஆட்டோகிராஃப் வாங்கியது தொடர்பாக பேசியுள்ள கவாஸ்கர், சேப்பாக்கத்தில் நடைபெற்ற கடைசி லீக் போட்டி என்பதால் ஓடிச்சென்று ஆட்டோகிராஃப் வாங்கியதாகவும், சிறப்பான நினைவுகளை உருவாக்க தான் விரும்பியதாகவும் கூறி உள்ளார். கபில் தேவ் உலகக்கோப்பையை ஏந்தும் காட்சிகளையும், உலகக்கோப்பை இறுதிப்போட்டியில் தோனி அடித்த வின்னிங் சிக்சரையும், மீண்டும் பார்த்துவிட்டு, தான் இறக்க வேண்டும் என்றும் கவாஸ்கர் உருக்கமாக பேசி உள்ளார்.