அதிமுக சார்பில் நீர், மோர் பந்தல்... மொத்தத்தையும் வாரி சுருட்டிய மக்கள்

திருவண்ணாமலை அருகே அதிமுக சார்பில் திறக்கப்பட்ட நீர், மோர் பந்தலில் இருந்து, இளநீர், தர்ப்பூசணி உள்ளிட்டவற்றை பொதுமக்கள் அள்ளி சென்றனர். அவலூர்பேட்டை புறவழிச் சாலையில் அதிமுக சார்பில் அமைக்கப்பட்ட நீர், மோர் பந்தலை, அக்கட்சியின் திருவண்ணாமலை தெற்கு மாவட்ட செயலாளர் அக்ரி கிருஷ்ணமூர்த்தி துவக்கி வைத்தார். அதனைத்தொடர்ந்து நீர் மோர் பந்தலில் வழங்கப்பட்ட இளநீர், நுங்கு, தர்பூசணி மற்றும் குளிர்பானங்களை, பொதுமக்கள் போட்டி போட்டுக்கொண்டு வாங்கி சென்றனர். சிலர் அவற்றை தங்களது பைகளிலும், துண்டுகளிலும் மூட்டையாக கட்டி அள்ளி சென்றனர்.