இந்தியர்களை பிடித்து சென்ற பாக். கப்பல்... மெசேஜ் வந்த அடுத்த நொடி சீறிய இந்திய கடற்படை

குஜராத் கடல்பகுதியில் பாகிஸ்தான் கப்பலை விரட்டிச் சென்ற இந்திய கடற்படை, 7 இந்திய மீனவர்களை மீட்டுள்ளது.

இந்திய கடல் எல்லைக்கு மீன்பிடித்த மீனவர்களை பாகிஸ்தான் கடல் பாதுகாப்பு முகமைக்கு சொந்தமான கப்பலில் வந்தவர்கள் கைது செய்துள்ளனர். அவர்களை PMS நுஸ்ரத் கப்பல் பாகிஸ்தானுக்கு அழைத்துச் சென்றுள்ளது. அப்போது அங்கு இந்திய கடற்படைக்கு சொந்தமான அக்ரிம் கப்பல், எல்லைப்பகுதியில் நிறுத்தப்பட்டிருந்தது. இந்திய மீனவர்கள் கைது செய்யப்பட்ட தகவல் கிடைத்ததும் அக்ரிம் கடலில் சீறிப்பாய்ந்தது. பாகிஸ்தான் கப்பல் தப்ப பார்த்தது. பாகிஸ்தான் கப்பலை இந்திய கடற்படை கப்பல் விரட்டியது. இப்ப்டியே சுமார் 2:30 மணி நேரம் விரட்டிச் சென்று பாகிஸ்தான் கப்பலை பிடித்தது. அதிலிருந்த 7 மீனவர்களையும் பத்திரமாக மீட்டுள்ளது.