ஹோட்டலுக்குள் புகுந்த பேருந்து...அலறியடித்து ஓடிய மாணவிகள் - பரிதாபமாய் பலியான பெண்

கேரள மாநிலம், திருச்சூர் அருகே தனியார் கல்லூரி பேருந்து, சாலையோரம் உள்ள ஹோட்டலுக்குள் புகுந்ததில், ஹோட்டலில் வேலை செய்து வந்த பெண் ஊழியர் உயிரிழந்தார். மாணவிகளை ஏற்றிக் கொண்டு வந்த அந்த பேருந்து, வடக்கஞ்சேரி என்ற இடத்தில் ஓட்டுநரின் கட்டுப்பாட்டை இழந்து, சாலையோரம் உள்ள ஹோட்டலுக்குள் புகுந்தது. இதில், ஹோட்டலில் வேலை செய்து வந்த பெண் ஊழியர் சரளாவும், 5 மாணவிகளும் காயம் அடைந்தனர். அவர்களில், மருத்துவமனையில் அனுமதிக்கப்பட்டிருந்த சரளா, சிகிச்சை பலனின்றி உயிரிழந்தார். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.