2ம் கணவனை சாக்கு பையில் அடைத்து பாய் பெஸ்டியுடன் உல்லாச வெறியாட்டம் - சில மணி நேரத்திலே மனைவியை தண்டித்த கர்மா

ஆண் நண்பருடன் தகாத உறவில் இருந்து வந்த பெண், அதற்கு தடையாக இருந்த கணவனை, கள்ளக்காதலனுடன் சேர்ந்து இரும்பு கம்பியால் அடித்துக் கொன்ற அதிர்ச்சி சம்பவத்தை விளக்குகிறது இந்த தொகுப்பு...

திருச்சி சோமரசம்பேட்டை காவல் சரகத்திற்கு உட்பட்ட வாசன் வேலியை சேர்ந்தவர் தனலட்சுமி...

தனலட்சுமிக்கு ஏற்கனவே பிரபு என்பவருடன் 13 ஆண்டுகளுக்கு முன்பு திருமணமாகிய நிலையில் விவாகரத்து ஏற்பட்டுள்ளது.

அதனைத் தொடர்ந்து, பிரபுவை பிரிந்த தனலட்சுமி, அதே பகுதியை சேர்ந்த சிவலிங்கம் என்பவரை இரண்டாவதாக திருமணம் செய்துள்ளார்... இந்த தம்பதிக்கு ஒன்றரை வயதில் ஒரு குழந்தை உள்ளது.

வெங்காய வியாபாரியான சிவலிங்கம், கருமண்டபம் பகுதியை சேர்ந்த ஆறுமுகம் மற்றும் அவரது மனைவி சுமதி ஆகியோருடன் சேர்ந்து, , மொத்த விலைக்கு வெங்காயத்தை வாங்கி, அதனை டாட்டா ஏசி வாகனத்தில் வைத்து விற்பனை செய்து வந்துள்ளார்.

ஆனால் சிவலிங்கம் மதுபோதைக்கு அடிமையானதாக கூறப்படும் நிலையில், மனைவி மீது சந்தேகம் ஏற்பட்டு, அவருடன் தகராறில் ஈடுபட்டு வந்ததாகவும் சொல்லப்படுகிறது.

காரணம்... தனலட்சுமி மூன்றாவதாக செந்தில்குமார் என்பவருடன் தகாத உறவு ஏற்பட்டு, இருவரும் பலமுறை தனிமையில் இருந்து வந்ததாக கூறப்படுகிறது.

இந்த விஷயம் சிவலிங்கத்திற்கு தெரியவர தனலட்சுமியை சிவலிங்கம் கண்டித்துள்ளார்.

இதனிடையே, கணவனுக்கு முடிவு கட்ட விரும்பிய தனலட்சுமி, தனது கள்ளக்காதலன் செந்தில்குமாரிடம் இதுகுறித்து யோசனை கேட்டுள்ளார்.

இந்த நிலையில்தான், வழக்கம் போல் வீட்டிலிருந்து வேலைக்கு கிளம்ப இருந்த சிவலிங்கம், மனைவியிடம் தகராறு செய்துள்ளார். இதனால் கோபமடைந்த தனலட்சுமி, தனது கள்ளக்காதலன் செந்தில்குமாரை வீட்டிற்கு அழைத்து, இருவரும் சேர்ந்து அவரை இரும்பு கம்பியால் அடித்துக் கொலை செய்தனர்.

அதன் பிறகு கொலையை மறைக்க எண்ணிய தனலட்சுமி, கணவர் சிவலிங்கத்துடன் வேலைக்கு செல்லும் ஆறுமுகம் மற்றும் அவரது மனைவி சுமதியிடம் நடந்த விவரங்களை தெரிவித்து, உதவி கோரியுள்ளார்.

பின்னர் 4 பேரும் சேர்ந்து, சிவலிங்கத்தின் உடலை சாக்கு பையில் கட்டி, ஆம்னி வேனில் ராம்ஜி நகர் எல்லைக்குட்பட்ட நவலூர் ஒத்தக்கடை பகுதியில் கொண்டு சென்றுள்ளனர்.

எதிர்பாராத விதமாக அந்த இடத்தில் போலீசார் வாகன சோதனையில் ஈடுபட்டிருந்தது தனலட்சுமிக்கு பேரதிர்ச்சி...

ஆம்னி வேனை சோதனையிட்டதில் கொலை செய்யப்பட்ட உடல் உள்ளே இருப்பதைக் கண்டு போலீசார் அதிர்ச்சி அடைந்தனர். அதன்பிறகு கொலை செய்த குற்றத்திற்காக தனலட்சுமி, கள்ளக்காதலன் செந்தில்குமார் மற்றும் கூட்டாளிகளான ஆறுமுகம், அவரது மனைவி சுமதி என 4 பேரை போலீசார் கைது செய்து விசாரணை நடத்தி வருகின்றனர்.