ஆப்கானிஸ்தானில் ஏற்பட்ட திடீர் வெள்ளத்தில் 150க்கும் மேற்பட்டோர் உயிரிழந்துள்ளதாக அந்நாட்டு அரசு தெரிவித்துள்ளது. வட ஆப்கானிஸ்தானில் பெய்து வரும் கனமழையால் ஏற்பட்ட திடீர் வெள்ளத்தில் 153 பேர் பலியாகியுள்ளதாக தலிபான் உள்துறை அமைச்சகம் தெரிவித்துள்ளது. மேலும் 138 பேர் படுகாயமடைந்து மருத்துவமனையில் அனுமதிக்கப்பட்டுள்ளனர். இந்நிலையில்,ஐக்கிய நாடுகளின் உலக உணவுத் திட்டமானது, வெள்ளத்தால் 300க்கும் மேற்பட்டோர் உயிரிழந்துள்ளதாகவும், பாக்லான் மாகாணத்தில் ஆயிரத்திற்கும் மேற்பட்ட வீடுகள் சேதமடைந்துள்ளதாகவும் தெரிவித்துள்ளது குறிப்பிடத்தக்கது.