ஒலிம்பிக் கிராமத்தில் கொரோனா பரவல் - புதிதாக 24 பேருக்கு தொற்று உறுதி

டோக்கியோ ஒலிம்பிக் கிராமத்தில் கொரோனா பரவல் தொடர்ந்து அதிகரித்துவரும் நிலையில், அங்கு மூன்று விளையாட்டு வீரர்கள் உள்பட 24 பேருக்கு புதிதாக தொற்று உறுதியாகி உள்ளது. இதன்மூலம், ஒலிம்பிக் கிராமத்தில் கொரோனாவால் பாதிக்கப்பட்டவர்களின் எண்ணிக்கை 193-ஆக அதிகரித்து உள்ளது. தொற்றால் பாதிக்கப்பட்டவர்கள் தனிமைப்படுத்தப்பட்டு கண்காணிக்கப்பட்டு வரும் நிலையில், ஒலிம்பிக் கிராமத்தில் பயோ பபுள் கட்டுப்பாடுகள் தீவிரப்படுத்தப்பட்டு உள்ளது.