பல லட்சங்களை வழங்கிய வள்ளல்..! நேரில் அழைத்து வாழ்த்திய முதல்வர்.. யார் இந்த ராஜேந்திரன்..?

மதுரையில் பல்வேறு சமூகநல பணிகளை ஆற்றிவரும் ராஜேந்திரன் என்பவரை நேரில் அழைத்து, முதலமைச்சர் ஸ்டாலின் சிறப்பித்துள்ளார். மதுரை மாநகராட்சி திரு.வி.க. மேல்நிலைப்பள்ளிக்கு, ஒரு கோடியே 10 லட்ச ரூபாய் செலவில், 10 வகுப்பறைகள், இறை வணக்க கூட்ட அரங்கை ராஜேந்திரம் அமைத்துள்ளார். அதேபோல மதுரை கைலாசபுரம் ஆரம்ப பள்ளியில், 71 லட்ச ரூபாய் செலவில் வகுப்பறைகள், ஆழ்துளை கிணறு, கழிப்பறைகளையும் கட்டி தந்துள்ளார். இதுபோன்ற பல்வேறு சமூகநல பணிகளை புரிந்துவரும் ராஜேந்திரனுக்கு, சால்வை அணிவித்து பாராட்டிய முதலமைச்சர் ஸ்டாலின், முன்னாள் முதல்வர் கருணாநிதியின் சிலையையும் வழங்கி கவுரவித்தார்.