கழுத்தில் காட்டெருமை,கையில் சிறுத்தை..! கோர்ட்டுக்கு முரட்டு லுக்கில் வந்த வரிச்சூயூர் செல்வம்

கழுத்தில் முக்கால் கிலோ தங்க மாலை, தங்கத்தில் சிறுத்தை, சிங்கம், காளை என கிலோ கணக்கில் நகைகளை அணிந்து, வரிச்சியூர் செல்வம் நீதிமன்றத்துக்கு வந்தார். மதுரை மாவட்டம் வரிச்சியூரை சேர்ந்த செல்வம், வழக்கு ஒன்றில் ஆஜராவதற்காக, மதுரை மாவட்ட நீதிமன்றத்துக்கு தாம் புதிதாக வாங்கியுள்ள சொகுசு காரில் வந்திறங்கினார். தாம் எப்போதும் அணிந்திருக்கும் நகைகளை மாற்றி விட்டு, புதிதாக முக்கால் கிலோ எடையில் முறுக்கு சங்கிலி, கை விரல்களில் சிறுத்தை மோதிரம், காளை உருவத்துடன் சங்கிலி என, சுமார் ஒரு கிலோ நகைகளை அணிந்து அவர் வந்திருந்தார். அவரை வழக்கறிஞர்களும் பொது மக்களும் வியப்புடன் பார்த்தனர்.