பைக் மீது கார் மோதி கோர விபத்து..! தூக்கி வீசப்பட்ட மாணவி சம்பவ இடத்திலேயே பலி | Dharmapuri

தர்மபுரி மாவட்டம் அரூர் அருகே இருசக்கர வாகனம் மீது கார் மோதிய விபத்தில் கல்லூரி மாணவி பரிதாபமாக உயிரிழந்தார்.

அரூர் அடுத்த வேட்ரப்பட்டி கிராமத்தை சேர்ந்த ராஜசேகர் என்பவரது மகள் இனியா, தனியார் கல்லூரியில் இரண்டாம் ஆண்டு பொறியியல் பட்டப்படிப்பு பயின்று வந்துள்ளார். இவர் தனது நண்பர் சுபான் உடன் அரூரில் நடைபெற்ற ஜுராசிக் பார்க் நிகழ்ச்சியை பார்த்துவிட்டு இருசக்கர வாகனத்தில் சென்றுக்கொண்டிருந்தனர். நான்கு வழிச்சாலை பிரிவில், இருசக்கர வாகனத்தை திருப்பும் போது, எதிரே வந்த கார் மோதியதில் இருவரும் தூக்கி வீசப்பட்டனர். இதில் இனியா சம்பவ இடத்திலேயே உயிரிழந்த நிலையில், படுகாயமடைந்த சுபான், தருமபுரி அரசு மருத்துவமனைக்கு அழைத்து செல்லப்பட்டார். தலைமறைவான கார் ஓட்டுநரை போலீசார் தேடி வரும் சூழலில், பிரேத பரிசோதனைக்கு பிறகு இனியாவின் உடல் சொந்த ஊரான வேட்ரப்பட்டி கிராமத்திற்கு எடுத்துச் செல்லப்பட்டது