வரவு செலவு பற்றி கேள்வி கேட்ட கவுன்சிலர்கள் - பாதியில் வெளியேறிய பிடிஓ அலுவலர்கள்
ஓசூர் அருகே ஒன்றியக் குழு கூட்டத்தில் கேள்வி கேட்ட கவுன்சிலர்களுக்கு பதில் அளிக்காமல், வட்டார வளர்ச்சி அலுவலர்கள் பாதியிலேயே வெளியேறியதால் பரபரப்பு ஏற்பட்டது. கெலமங்கலத்தில் நடைபெற்ற கூட்டத்தில் வட்டார வளர்ச்சி அலுவலர்கள் குமரேசன், சாந்தலட்சுமி ஆகியோர் கலந்து கொண்டனர். கூட்டத்தில் கலந்து கொண்ட கவுன்சிலர்கள், வரவு- செலவு குறித்து கேள்விகளை எழுப்பினர். அவர்களுக்கு பதில் சொல்லாமல் இருந்த நிலையில், சாந்த லட்சுமியும், அவரைத் தொடர்ந்து குமரேசனும் கூட்டத்தில் இருந்து பாதியிலேயே வெளியேறியதால் பரபரப்பு ஏற்பட்டது.