திருவிழாவில் இரு தரப்பினரிடையே மோதல்... போலீஸ் வாகனத்தை தாக்கியதால் பரபரப்பு!
திருச்சி மாவட்டம் முசிறி அருகே, கோயில் திருவிழாவில், போலீஸ் வாகனம் கல்வீசி தாக்கப்பட்டதால் பதற்றம் ஏற்பட்டது.
தொட்டியம் மதுர காளியம்மன் கோயில் திருவிழா, விமரிசையாக நடந்தது. முக்கிய நிகழ்வான திருத்தேர் வீதி உலா நடைபெற்றது. பின்னர், நேற்று மாலை ஒரு தரப்பினர் கோவிலுக்கு பூத்தட்டு எடுத்து ஊர்வலமாக வந்தனர். அப்போது, மர்ம நபர்கள் கூட்டத்தில் கல்வீசி தாக்கியுள்ளனர். அப்போது, 2 போலீஸ் வாகனங்கள், தனியார் வாகனங்களின் கண்ணாடிகள் உடைந்தன. இதையடுத்து, சம்பவ இடத்தில், குவிக்கப்பட்ட போலீசார், அங்கிருந்த கூட்டத்தை விரட்டியடித்தனர்.