போலீஸ் தொப்பியுடன் செல்பி போஸ் கொடுத்த காசி - சமூக வலைத்தளங்களில் வேகமாக பரவி வரும் புகைப்படம்

நாகர்கோயில் கணேசபுரத்தை சார்ந்த காசி, சில ஆண்டுகளுக்கு முன்பு தனது வீட்டருகே உள்ள காவலர் குடியிருப்பில் தங்கியிருந்த காவல்துறை  அதிகாரியின் மகளையும் தனது வலையில் வீழ்த்தியபோது, வீட்டில் இருந்த போது இந்த புகைப்படம் எடுக்கப்பட்டதாக கூறப்படுகிறது. இந்த விவகாரத்தை அறிந்த காவல்துறை அதிகாரி அவமானத்தால் இடமாற்றம் வாங்கி வேறு மாவட்டத்திற்கு குடிபெயர்ந்ததாகவும் கூறப்படுகிறது. பள்ளி, கல்லூரி மாணவிகள் மற்றும் இளம்பெண்கள் மட்டுமின்றி திருமணமான பெண்கள் என நூற்றுக்கும் மேற்பட்ட பெண்கள் காசியால் பாதிக்கப்பட்டுள்ள நிலையில், இதுவரை ஐந்து பெண்கள் மட்டுமே காசி மீது புகார் அளித்துள்ளனர். மேலும் பல பெண்கள் புகார் அளிக்க வாய்ப்புள்ளதாக காவல்துறையினர் கூறுகின்றனர்.