கொடூர விபத்து.. உருக்குலைந்த ஆட்டோ.. நடுரோட்டில் துடித்து அடங்கிய 7 உயிர்கள்

ஆந்திரப் பிரதேச மாநிலம் அனந்தபூர் மாவட்டம் தலகாஸ்பள்ளே அருகே விவசாயத் தொழிலாளர்களை ஏற்றிச் சென்ற ஆட்டோ மீது அரசுப் பேருந்து மோதியதில் 7 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது... இந்த விபத்தில் மேலும் 4 பேர் படுகாயமடைந்து மருத்துவமனையில் அனுமதிக்கப்பட்டுள்ளனர்... நெல்லுட்லா கிராமத்தைச் சேர்ந்த விவசாயத் தொழிலாளர்கள் 12 பேர் வேலைக்காக சென்று விட்டு ஆட்டோவில் திரும்பிக் கொண்டிருந்த போது ​​எதிரே பேருந்து மோதியதில் இந்த கொடூர விபத்து நிகழ்ந்துள்ளது... போலீசார் பேருந்து ஓட்டுநரிடம் தீவிர விசாரணை மேற்கொண்டுள்ளனர்... இச்சம்பவம் குறித்து கவலை தெரிவித்துள்ள அம்மாநில முதல்வர் சந்திரபாபு நாயுடு இறந்தவர்களின் குடும்பங்களுக்கு 5 லட்சம் ரூபாய் இழப்பீடு வழங்குவதாகவும், காயமடைந்தவர்களுக்கு முறையான மருத்துவ சிகிச்சை அளிக்க அதிகாரிகளுக்கு உத்தரவிட்டதாகவும் தெரிவித்துள்ளார்.