வனச்சரகத்தில் 2 புலிகள் உயிரிழப்பு - விஷத்தை தின்று இறந்த பன்றியை சாப்பிட்டதால் உயிரிழப்பு

பொள்ளாச்சி வனப்பகுதியில், விஷத்தை உட்கொண்டதால் இறந்த பன்றியை சாப்பிட்ட 2 புலிகள்  உயிரிழந்தன. சேத்துமடை அருகேயுள்ள போத்தமடை மற்றும் புங்கன் ஓடை பகுதியில், 10 வயதுக்குட்பட்ட ஆண் மற்றும் பெண் புலிகள் அழுகிய நிலையில் இறந்து கிடந்தன. உடலில் காயங்கள் இல்லாத நிலையில் நடந்த பிரேத பரிசோதனையில், புலியின் உடலுக்குள் விஷம் சாப்பிட்ட காட்டுபன்றி கறி இருந்ததது தெரியவந்தது. இதைத்தொடர்ந்து நடந்த விசாரணையில், சேத்துமடைபகுதியில் உள்ள தென்னந்தோப்புகளுக்கு, காட்டுபன்றி வருவததை கட்டுப்படுத்த விஷம் வைத்த கருப்புச்சாமி, ராசு ஆகிய இருவரை வனத்துறை கைது செய்தது.