விருதுநகர் : மனநிலை பாதிக்கப்பட்டவர்களை மீட்கும் முன்னாள் ராணுவ வீரர்

அருப்புக்கோட்டை அருகே பரளட்சி கிராமத்தை சேர்ந்த முன்னாள் ராணுவ வீரர் கணேசன் சாலையில் மயக்கமடைந்த நிலையில் கிடந்த மனநிலை பாதிக்கப்பட்டவரை மீட்டு சிகிச்சை அளித்து அவரை தனது வீட்டில் தங்க வைத்துள்ளார். அவர் ஒடிசாவை சேர்ந்த அசோக் குமார் என தெரியவந்ததால் அசோக்குமாரின் தம்பி அட்சய குமாரிடம் தகவல் தெரிவித்து பரளட்சிக்கு வரவழைத்துள்ளார். பின்னர் போலீசாரின் முன்னிலையில், அசோக்குமாரை அவரது தம்பியிடம் ஒப்படைத்தார். இதுவரை  மனநிலை பாதிக்கப்பட்ட வெளிமாநிலத்தவர்கள் 13 பேரை மீட்டு அவர்களது பெற்றோரிடம் கணேசன் ஒப்படைத்துள்ளார்.