புதுச்சேரியில் பந்தயம் கட்டி பெண் அதிகாரியை கட்டிப்பிடித்து முத்தம்- குடிபோதையில் அத்துமீறிய இளைஞர் கைது

மும்பையை சேர்ந்த இளம்பெண் புதுச்சேரியில் உள்ள தனியார் நிறுவனம் ஒன்றில் வர்த்தக மேலாளராக பணிபுரிந்து வருகிறார். வீட்டின் அருகே நடந்து சென்ற அவரை  இரு சக்கர வாகனத்தில் பின்தொடர்ந்த இருவரில் ஒரு வாலிபர் திடீரென கட்டிப் பிடித்து முத்தம் கொடுத்துள்ளார். இதுதொடர்பாக அந்த பெண் அளித்த புகாரில் விசாரணை நடத்திய போலீசார் அப்பகுதியில் ஒரு வீட்டில் இருந்த கண்காணிப்பு கேமராவை ஆய்வு செய்தனர். அதில் இருந்த காட்சிகளின் அடிப்படையில்  மொட்டத்தோப்பு ரிஷி என்பவரை கைது செய்தனர். அப்போது குடிபோதையில் தமது நண்பன், பந்தயம் கட்டியதால் இளம்பெண்ணை கட்டிபிடித்து முத்தம் கொடுத்ததாக ரிஷி வாக்குமூலம் அளித்துள்ளான். இதையடுத்து தலைமறைவான ரிஷியின் நண்பனை போலீசார் தேடி வருகின்றனர். சம்பவம் நிகழ்ந்த 12 மணி ​​நேரத்தில் குற்றவாளி கைது செய்யப்பட்டுள்ளதாக காவல்துறை கண்காணிப்பாளர் மாறன் தெரிவித்துள்ளார்.