சென்னை பி.எஸ்.என்.எல். அலுவலகத்தில் தீ விபத்து...

சென்னை மண்ணடியில் உள்ள பி.எஸ்.என்.எல் அலுவலகத்தில் தீ விபத்து ஏற்பட்டது. காலை 5 மணிக்கு ஏற்பட்ட தீயானது, அலுவலகத்தின் 5 தளங்களிலும் பரவியது. இதனால் அப்பகுதி முழுவதும் புகைமூட்டமாக காட்சியளித்தது. தகவல் அறிந்து, 10 வாகனங்களில் வந்த தீயணைப்புத்துறையினர், தீயை அணைக்கும் பணியில் ஈடுபட்டனர். நீண்ட போராட்டத்திற்கு பின் தீயானது கட்டுக்குள் கொண்டுவரப்பட்டது. தொடர்ந்து கரும்புகையை வெளியேற்றும் பணி நடைபெற்று வருகிறது. இதனால் தொலைத்தொடர்பு சேவை முடங்கியுள்ளது.