வடிவேலு பட காட்சி போல நடந்த சம்பவம் : இருசக்கர வாகனத்தை திருடிச் சென்ற இளைஞர்

சென்னை குரோம்​பேட்டையில், வாடிக்கையாளர் போல் நடித்து 3 லட்ச ரூபாய் மதிப்பிலான இரு சக்கர வாகனத்தை மர்மநபர் திருடி சென்ற சம்பவம் அதிர்ச்சியை ஏற்படுத்தி உள்ளது. ஜி.எஸ்.டி சாலையில் இயங்கி வரும், தனியார் இரு சக்கர வாகன நிறுவனத்தில், இளைஞர் ஒருவர் பைக் வாங்க வந்துள்ளார். பின்னர் ஒரு வாகனத்தை தேர்வு செய்த அந்த நபர், அதனை சோதித்து பார்ப்பதாக கூறி, ஓட்டி ​சென்றுள்ளார். நீண்ட நேரம் ஆகியும் இளைஞர் திரும்பி வராததால், அதிர்ச்சி அடைந்த ஊழியர்கள் குரோம்பேட்டை காவல்நிலையத்தில் புகார் அளித்தனர். இச்சம்பவம் குறித்து வழக்கு பதிவு செய்த போலீசார், கண்காணிப்பு கேமிரா பதிவுகளை ஆய்வு செய்து தலைமறைவான நபரை தேடி வருகின்றனர். ஷோபின் என்ற அந்த நபர், இதற்கு முன் 8 சொகுசு கார்களை திருடியுள்ளது குறிப்பிடத்தக்கது.