தி.மு.க. தொகுதி பங்கீட்டு குழுவினருடன் ஸ்டாலின் ஆலோசனை

தி.மு.க. தொகுதி பங்கீட்டு குழுவினருடன், அக்கட்சி தலைவர் ஸ்டாலின் இன்று ஆலோசனை நடத்தியுள்ளார்.தி.மு.க. கூட்டணியில் காங்கிரஸ், இந்திய யூனியன் முஸ்லீம் லீக், கொங்கு நாடு மக்கள் தேசிய கட்சிக்கு தொகுதிகள் ஒதுக்கப்பட்டு உள்ளது.  விடுதலை சிறுத்தைகள் கட்சி, ம.தி.மு.க. இரண்டு கம்யூனிஸ்ட் கட்சிகளுடன்  தொகுதி பங்கீடு தொடர்பாக நாளை  பேச்சுவார்த்தை நடைபெற உள்ளது. இந்நிலையில் தி.மு.க. தலைவர் ஸ்டாலின், சென்னை அண்ணா அறிவாலயத்தில் தொகுதி பங்கீடு குழுவினருடன் இன்று ஆலோசனை நடத்தினார். இதில் துரைமுருகன், பொன்முடி, கே.என்.நேரு, எ.வ.வேலு  ஐ.பெரியசாமி, ஆர்.எஸ்.பாரதி உள்ளிட்டோர் கலந்து கொண்டனர்