மாணவர்களின் உச்சகட்ட அட்டகாசம்..கலெக்டரை டேக் செய்து ஷேர் செய்யும் மக்கள் - தீயாய் பரவும் காட்சிகள்

கடலூரில் படியில் தொங்கியபடி மாணவர்கள் பயணம் செய்யும் வீடியோ பரவி வருகிறது. கடலூர் பேருந்து நிலையத்திலிருந்து புதுப்பாளையம் செல்லக்கூடிய அரசு பேருந்து, திருப்பாதிரிப்புலியூர் மேம்பாலத்தில் சென்றபோது திணறியபடி ஏறியது. அப்போது, படியில் தொங்கிச் சென்ற மாணவர்கள், நடந்தும், ஜாக்கிங் செய்தும் சாகசத்தில் ஈடுபட்டனர். இதேபோல் குறிஞ்சிப்பாடி பகுதியில் தனியார் பேருந்தும் அதிக பாரத்தால் திணறியபடி சென்றது. அப்போது, படியில் பயணிகள் தொங்கியபடி பயணம் செய்த வீடியோவை, மாவட்ட ஆட்சியரை டேக் செய்து பலர் பகிர்ந்தனர். இதையடுத்து, அந்த பேருந்து மீது நடவடிக்கை எடுக்க வட்டார போக்குவரத்து அதிகாரிக்கு ஆட்சியர் பரிந்துரைத்துள்ளார்.