கார் டிரைவராக வேலை பார்த்த மேனேஜர்... முழுசா நம்பிய நிதி நிறுவன ஓனருக்கு பேரிடி - கதறிய மனைவி, மகள்

ராணிப்பேட்டையில் தாய் மற்றும் 3 வயது மகளை கடத்தி வைத்துக்கொண்டு பணம் கேட்டு மிரட்டிய கும்பல் பிடிபட்டது.

வேலூர் மாவட்டம் வாலாஜாபேட்டையை சேர்ந்த வசந்தகுமார்,திருவண்ணாமலை மாவட்டம் செய்யாறில் உள்ள தனியார் நிதி நிறுவனத்தில் மேலாளராக வேலை பார்த்து வந்தார்.அவ்வப்போது தனியார் நிதி நிறுவன உரிமையாளரின் குடும்பத்தினருக்கு கார் டிரைவராகவும் இவர்,வேலை பார்த்துள்ளார். இந்நிலையில் நிதி நிறுவன உரிமையாளரின் மனைவி மற்றும் 3 வயது மகளை சென்னைக்கு காரில் அழைத்து சென்ற வசந்தகுமார், திட்டமிட்டபடி அவர்களை வேலூருக்கு கடத்தி சென்றார். பிறகு குடும்பத்தாரை தொடர்பு கொண்ட அவர், ஒரு கோடி ரூபாய் பணம் கேட்டு மிரட்டியுள்ளார். ராணிப்பேட்டையில் வைத்து பணத்தை பெற்றுக்கொள்ளுமாறு குடும்பத்தினர் தெரிவிக்கவே, அவர் ராணிப்பேட்டை வந்தார். அப்போது மறைந்திருந்த போலீசார் வசந்த குமார் மற்றும் அவருக்கு உதவியாக இருந்த கும்பலை விரட்டி பிடித்தது. கடத்தப்பட்ட தாய் மற்றும் மூன்று வயது மகள் பத்திரமாக மீட்கப்பட்டனர்