ஸ்கூல் HM ரூமுக்குள் ஆசிரியர் கண்முன்னேயே... மாணவர்களின் வீடியோவால் மதுரையில் அதிர்ச்சி

மதுரையில் தலைமை ஆசிரியர் முன்னிலையிலேயே சக மாணவனின் பெற்றோரை தாக்கிய பள்ளி மாணவர்களால் பரபரப்பு ஏற்பட்டது.

தபால் தந்தி நகர் விஸ்வநாதபுரம் பகுதியில் உள்ளது, பாலமந்திரம் மேல் நிலைப்பள்ளி. இந்த பள்ளியில் 12 ஆம் வகுப்பு மாணவர் ஒருவரை சக மாணவர்கள் கேலி செய்துள்ளனர். இதுகுறித்து பாதிக்கப்பட்ட மாணவனின் பெற்றோர் பள்ளி தலைமை ஆசிரியரிடம் முறையிட்டனர். பள்ளி தலைமையாசிரியர் சம்பந்தப்பட்ட மாணவர்களை அழைத்து விசாரித்தார். அப்போது பாதிக்கப்பட்ட மாணவனின் குடும்பத்தினர் கிண்டல் செய்த மாணவர்களை அடித்தனர். பதிலுக்கு மாணவர்களும் அவர்களை தாக்கினர். தலைமை ஆசிரியர் முன்னிலையிலேயே நடைபெற்ற இந்த மோதல், பரபரப்பை ஏற்படுத்தியது.