டிஎன்பிஎல் 24-வது லீக் போட்டியில் மதுரை அணியை வீழ்த்தியதன் மூலம், பிளே ஆஃப் சுற்றுக்குள் திண்டுக்கல் அணி நுழைந்தது ...
திண்டுக்கல் என்.பி.ஆர் மைதானத்தில் நடந்த இந்த போட்டியில் திண்டுக்கல் டிராகன்ஸ் அணியும், சீகம் மதுரை பேந்தர்ஸ் அணியும் பலப்பரீட்சை நடத்தின. இந்த போட்டியில் டாஸ் வென்ற மதுரை அணி, முதலில் பந்து வீச்சை தேர்வு செய்தது. தொடக்கம் முதலே அதிரடி காட்டிய திண்டுக்கல் அணி, 20 ஓவர்கள் முடிவில் 5 விக்கெட் இழப்பிற்கு 201 ரன்கள் குவித்தது. திண்டுக்கல் அணியில் அதிகபட்சமாக சிவம் சிங் 57 பந்துகளில் 106 ரன்கள் விளாசினார். மதுரை அணி தரப்பில் கார்த்திக் மணிகண்டன் 2 விக்கெட்டுகளும், குர்ஜத்நீத், முருகன் அஸ்வின், மிதுன் ஆகியோர் தலா ஒரு விக்கெட்டும் கைப்பற்றினர். இதைத் தொடர்ந்து, 202 ரன்கள் எடுத்தால் வெற்றி என்ற கடினமான இலக்கை நோக்கி ஆடிய மதுரை அணி, 20 ஓவர்கள் முடிவில் 8 விக்கெட்டுகள் இழப்பிற்கு 171 ரன்கள் எடுத்தது. அந்த அணியில் அதிகபட்சமாக லோகேஸ்வர் 55 ரன்கள் அடித்தார். திண்டுக்கல் அணியில் அஸ்வின் மற்றும் சந்திப் வாரியர் அகியோர் அதிகபட்சமாக தலா 2 விக்கெட்டுகள் எடுத்தனர். இதன்மூலம் திண்டுக்கல் அணி பிளேஆஃப் சுற்றுக்குள் நுழைந்துள்ளது.