இந்தியா Vs ஆஸி - நாளை 3வது ஒருநாள் போட்டி : சொந்த மண்ணில் அசத்துவாரா தோனி?

ஆஸ்திரேலியாவுக்கு எதிரான ஒருநாள் தொடரை கைப்பற்றும் முனைப்புடன் இந்திய அணி நாளை ராஞ்சியில் களமிறங்குகிறது. 5 போட்டிகள் கொண்ட ஒருநாள் தொடரை 2க்கு0 என்ற கணக்கில் இந்திய அணி முன்னிலை பெற்றுள்ளது. இந்நிலையில், மூன்றாவது ஒருநாள் போட்டிக்காக இரு அணி வீரர்களும் ராஞ்சியில் பயிற்சி மேற்கொண்டு வருகின்றனர். தோனியின் சொந்த ஊரில் நடைபெறுவதால், நாளைய போட்டியில் தோனி அசத்துவார் என்ற எதிர்பார்ப்பு எழுந்துள்ளது. மேலும், ராஞ்சி மைதானத்தில் உள்ள பார்வையாளர்கள் மாடத்திற்கு தோனியின் பெயர் சூட்டப்பட்டுள்ளது. நாளை போட்டியில் முகமது ஷமிக்கு ஓய்வு அளிக்கப்பட்டு புவனேஸ்வர் குமார் அணியில் சேர்க்கப்படலாம் என்ற தகவல் வெளியாகியுள்ளது.