தேர்தல் அரசியலில் முதல்முறையாக களமிறங்கும் பிரியங்கா.. எதிர்த்து சண்டை செய்ய போவது யார்?

வயநாட்டில் பிரியங்கா காந்தி போட்டியிடுவார் என அறிவிக்கப்பட்டிருப்பதை, கம்யூனிஸ்ட் தலைவர் ஆனி ராஜா வரவேற்றுள்ளார். வயநாட்டில் ராகுல் காந்தியை எதிர்த்து தோல்வியடைந்த ஆனி ராஜா, வயநாடு எம்.பி. பதவியை ராகுல்காந்தி ராஜினாமா செய்ய முடிவு செய்திருப்பது குறித்து செய்தியாளர்களிடம் பேசினார். வயநாடு தொகுதிக்கு இடைத்தேர்தல் இதுவரை அறிவிக்க வில்லை என்ற அவர், தான் மீண்டும் போட்டியிடுவது குறித்து கட்சி தலைமை முடிவு செய்யும் என்றார். நாடாளுமன்றத்தில் பெண்கள் அதிகளவில் இருக்க வேண்டும் என்ற ஆனி ராஜா, வயநாட்டில் போட்டியிட பிரியங்கா காந்தியை காங்கிரஸ் கூட்டணி முடிவு செய்திருப்பது மகிழ்ச்சி அளிப்பதாக கூறினார்.