ஒடிசா மாநில சட்டப்பேரவை தேர்தலில் அம்மாநில முதலமைச்சர் நவீன் பட்நாயக் இரண்டு தொகுதிகளில் போட்டியிவதாக அறிவிக்கப்பட்டது . அதன் படி கடந்த இரண்டு நாட்களுக்கு முன்பு கஞ்சம் மாவட்டத்தில் உள்ள தனது சொந்த தொகுதியான ஹிஞ்சிலியில் வேட்புமனுவைத் தாக்கல் செய்தார். தற்போது போலங்கிர் நாடாளுமன்றத் தொகுதிக்கு உட்பட்ட காந்தபாஞ்சி சட்டப்பேரவை தொகுதியில் தனது இரண்டாவது வேட்புமனுவை தாக்கல் செய்துள்ளார். ஒடிசாவில் மக்களவைத் தேர்தலுடன் மே 13ஆம் தேதி முதல் ஜூன் 1ஆம் தேதி வரை நான்கு கட்டங்களாக சட்டப்பேரவைத் தேர்தல் நடைபெறவுள்ளது குறிப்பிடத்தக்கது