ஒட்டக சவாரியில் வந்த மணமகன்..இணையத்தில் வைரலான வீடியோ..புதுமாப்பிள்ளைக்கு போலீஸ் வைத்த ட்விஸ்ட்

கேரளாவின் கண்ணூர் மாவட்டம் சதுரகிணறை சேர்ந்தவர் ரிஸ்வான். இவருக்கு கடந்த 14 ஆம் தேதி திருமணம் நடந்த நிலையில், ரிஸ்வானை அவரது உறவினர்கள் ஒட்டகத்தின் மேல் அமர வைத்து மட்டனூர் - கண்ணூர் சாலையில் மேளதாளம் முழங்க பட்டாசு வெடித்து மணமகன் கோலத்தில் அழைத்து வந்துள்ளனர். இதனால், அப்பகுதியில் சுமார் ஒரு மணி நேரம் கடும் போக்குவரத்து நெரிசல் ஏற்பட்டது. இந்நிலையில், அந்த சாலை விமான நிலையத்திற்கும் செல்லும் சாலை என்பதால், விமான நிலையத்திற்கு வந்த பயணிகள் போக்குவரத்து நெரிசலில் சிக்கி அவதிக்குள்ளாகினர். உடனே, வாகன ஓட்டிகள் அளித்த புகாரின் அடிப்படையில், சம்பவ இடத்திற்கு வந்த போலீசார், மணமகனை ஒட்டகத்தில் இருந்து கீழ் இறக்கி, அவருடைய சுயவிவரங்களை எழுதி வாங்கிய பின் அனுப்பி வைத்திருக்கின்றனர். இந்நிலையில், சம்பந்தப்பட்ட வீடியோ இணையத்தில் வைரலானதை அடுத்து சட்டவிரோதமாக கூட்டம் சேர்த்தல், போக்குவரத்துக்கு இடையூறு ஏற்படுத்தியதாக கூறி புதுமாப்பிள்ளை ரிஸ்வான் உட்பட 25 பேர் மீது போலீசார் வழக்கு பதிவு செய்துள்ளனர்