குஜராத்தில் நொடிக்கு நொடி எகிறும் பலி எண்ணிக்கை.. ராணுவத்தை இறக்கிய மோடி

குஜராத்தில் 25 ஆம் தேதி முதல் கனமழை கொட்டி தீர்த்து வருகிறது. மழை, வெள்ளம் காரணமாக மாநிலத்தில் 28 பேர் உயிரிழந்து உள்ளனர். 18 ஆயிரம் பேர் பாதுகாப்பான இடங்களுக்கு அழைத்து செல்லப்பட்டு உள்ளனர். இதற்கிடையே 11 மாவட்டங்களில் அதிகனமழை பெய்யும் என இந்திய வானிலை ஆய்வு மையம் ரெட் அலர்ட் விடுத்துள்ளது. மற்ற 22 மாவட்டங்களுக்கு மஞ்சள் எச்சரிக்கை விடப்பட்டுள்ளது. வெள்ளம் பாதிக்கப்பட்ட இடங்களில் மாநில, தேசிய பேரிடர் மீட்பு படையினர் மீட்பு பணியில் தீவிரமாக ஈடுபட்டுள்ளனர். மாநில அரசு கோரிக்கையை ஏற்று மோசமாக பாதிக்கப்பட்ட இடங்களில் ராணுவம் மீட்பு மற்றும் நிவாரணப் பணிகளை செய்து வருகிறது.