ஏர் இந்தியா விமானத்தில் பொத்து பொத்தென மயங்கி விழுந்த பயணிகள்.. என்ன நடந்தது?

டெல்லியில் கடும் வெப்பம் வாட்டி வதைத்துவரும் நிலையில், 8 மணி நேரம் தாமதமாக இயக்கப்பட்ட ஏர் இந்தியா விமானத்தில் ஏ.சி இன்றி அமர வைக்கப்பட்ட பயணிகள் அவதிக்குள்ளாகினர். இது தொடர்பாக எக்ஸ் தளத்தில் சிவில் விமானப்போக்குவரத்து அமைச்சர் ஜோதிராதித்ய சிந்தியா- வை டேக் செய்து பத்திரிகையாளர் ஒருவர் பதிவிட்டுள்ளார். அதில், ஏஐ 183 என்ற விமானம் 8 மணி நேரத்திற்கும் மேலாக தாமதமானதாகவும், ஏசியின்றி பயணிகளை விமானத்தில் ஏற்றியதாகவும், இமிக்ரேஷன் செய்யப்பட்டதால் டெர்மினலுக்குள் நுழைய அனுமதிக்கவில்லை என்றும், பின் சிலர் மயக்கமடைந்த பிறகு இறக்கி விடப்பட்டனர் என்றும் பதிவிட்டுள்ளார்.