காங். கட்சிக்கு முழு நேர தலைவர் தேர்வு? - சோனியா காந்தி தலைமையில் இன்று ஆலோசனை

பரபரப்பான அரசியல் சூழ்நிலையில் டெல்லியில் சோனியா காந்தி தலைமையில் இன்று காங்கிரஸ் செயற்குழு கூட்டம் நடைபெறுகிறது.நடந்து முடிந்த உத்தரப் பிரதேசம், உத்தரகாண்ட், பஞ்சாப் உள்ளிட்ட 5 மாநில சட்டப்பேரவை தேர்தல்களில் காங்கிரஸ் கட்சி படுதோல்வியை சந்தித்துள்ளது. இந்நிலையில் இன்று மாலை 4 மணிக்கு கட்சியின் இடைக்கால தலைவர் சோனியா காந்தி தலைமையில் காங்கிரஸ் செயற்குழு 

கூட்டம் கூடுகிறது. இதில் காங்கிரஸ் கட்சியின் செயல்பாடு,  தேர்தல் தோல்வி உள்ளிட்டவை குறித்தும், கட்சிக்கு முழு நேர தலைவரை தேர்வு செய்வது உள்ளிட்ட பல்வேறு அம்சங்கள் குறித்தும் ஆலோசிக்கப்படுகிறது.