இசையமைப்பாளரும் நடிகருமான ஜி.வி.பிரகாஷ் குமார் இன்று தனது 37வது பிறந்த நாளைக் கொண்டாடுகிறார்... ஆறே வயதில் சிக்குபுக்கு ரயிலே பாடல் மூலம் பாடகராக திரைத்துறையில் அடியெடுத்து வைத்த ஜி.வி.பிரகாஷ், பம்பாய் படத்திலும் பாடல் பாடியுள்ளார்... ஏ.ஆர்.ரகுமான் தனது நெருங்கிய உறவினர் என்ற போதிலும் தனது திறமையாலும் சொந்த முயற்சியாலும் இசையமைப்பாளராகி வெயில், கிரீடம், பொல்லாதவன், அங்காடித் தெரு, ஆயிரத்தில் ஒருவன், மதராசப்பட்டினம், ஆடுகளம், தெய்வத் திருமகள், மயக்கம் என்ன, உதயன் என் எச் 4, ராஜா ராணி, கொம்பன், அசுரன், சூறரைப் போற்று, என ஒவ்வொரு படத்திலும் வித்தியாசமான பாடல்களைத் தந்து ரசிகர்களைக் கவர்ந்துள்ளார்... தேசிய விருது உள்ளிட்ட பல உயரிய விருதுகளைக் குவித்து வரும் ஜி.வி.பிரகாஷ் மென்மேலும் வளர ரசிகர்கள் வாழ்த்து தெரிவித்து வருகின்றனர்...