சேலம் ஐந்து ரோடு பகுதியில் உள்ள மெய்யனூர் சாலையில் கடந்த சில மாதங்களாக தொடர்ந்து மர்ம நபர்களால் ஆடுகள் திருடப்பட்டு வந்த நிலையில், மர்ம நபர்கள் இரண்டு பேர் இரண்டு சக்கர வாகனத்தில் வந்து ஆட்டுக்கிடாவை நடுவில் வைத்து பிடித்துச் சென்றது சிசிடிவி காட்சியில் பதிவானது. இதனை அறிந்த அப்பகுதி பொதுமக்கள், திருடர்களை பின் தொடர்ந்து சென்ற போது, அவர்கள் சேலம் ஜங்ஷன் பிரதான சாலையில் உள்ள இறைச்சி கடைக்குள் நுழைந்தது தெரியவந்தது.
அங்கு சென்று ஆட்டை மீட்ட மக்கள், ஆடு திருடிய சாந்தாராமுக்கு தர்ம அடி கொடுத்து, அவரை காவல் நிலையத்தில் ஒப்படைத்தனர்.