பாலியல் வன்கொடுமை செய்து கொலை - ஒட்டு மொத்த சென்னையையும் கதிகலங்க விட்ட கொடூரன் | Chennai

சென்னை நீலாங்கரையில் 60 வயது பெண் சடலமாக கண்டெடுக்கப்பட்ட சம்பவத்தில், அவர் பாலியல் வன்கொடுமை செய்யப்பட்டு கொலை செய்யப்பட்டது போலீஸ் விசாரணையில் தெரியவந்துள்ளது.

நீலாங்கரை, பாண்டியன் சாலையில் 60 வயது பெண் இறந்து கிடப்பதாக போலீசாருக்கு தகவல் கிடைத்தது. சம்பவ இடத்திற்கு சென்ற போலீசார் உடலை கைப்பற்றி ராயப்பேட்டை அரசு மருத்துவமனைக்கு அனுப்பி வைத்து விசாரணை செய்து வந்தனர். இந்நிலையில் இறந்து போன பெண்ணின் மரணத்தில் சந்தேகம் இருப்பதாக அவரது மகள் புகார் அளித்தார். புகாரின் பேரில் சந்தேக மரண பிரிவில் வழக்கு பதிவுசெய்து தனிப்படை போலீசார் விசாரணை மேற்கொண்டனர். விசாரணையில், கொலையுண்ட பெண்ணை அதே பகுதியில் உள்ள சிக்கன் கடையில் வேலை செய்து வரும் வினோத் என்பவர், பாலியல் வன்கொடுமை செய்து கொலை செய்தது கண்டறியப்பட்டது. இதையடுத்து கொலை மற்றும் பாலியல் வன்கொடுமை வழக்கு பதிவு செய்யப்பட்டு, வினோத்தை போலீசார் கைது செய்தனர்.