தூங்கும் போது பக்கத்தில் இருந்த செல்போன், ரூ.5,000 பணம்.. நடுஜாமத்தில் தெரு நாய் செய்த வேலை

நாமக்கல் மாவட்டம் குமாரபாளையம் அருகே தேநீர் கடை ஊழியரின் செல்போன் மற்றும் பணத்தை தெருநாய் தூக்கிச் சென்ற சிசிடிவி காட்சி வெளியாகியுள்ளது. வெப்படையில் உள்ள தேநீர் கடை ஒன்றில் பணிபுரியும் ஊழியர், பணி முடித்து நேற்றிரவு கடைக்கு வெளியே உறங்கியுள்ளார். அப்போது, செல்போனையும், ஐந்தாயிரம் பணத்தையும் அருகில் வைத்திருந்த நிலையில், காலையில் அவற்றை காணாமல் கண்டு ஊழியர் அதிர்ச்சியடைந்துள்ளார். அருகிலுள்ள கடையின் சிசிடிவி காட்சிகளை ஆய்வு செய்ததில், செல்போன் மற்றும் பணத்தை தெருநாய் தூக்கிச் சென்றது தெரியவந்தது.