தமிழகத்தை பதறவிட்ட டவுசர் கொள்ளையர்கள்... மாநிலம் விட்டுமாநிலம் கடந்து தமிழக போலீஸ் அதிரடி
கடந்த மாதம் கோவை நகரின் பல்வேறு பகுதிகளில் அடுத்தடுத்து பூட்டிய வீடுகளில் கொள்ளை நடைபெற்றது. இதுகுறித்து விசாரணை நடத்திய போலீசார், முகமூடி மற்றும் டவுசர் மட்டும் அணிந்த நபர்கள் கொள்ளையில் ஈடுபட்டதை கண்டறிந்தனர். பிற மாநில போலீசாருக்கு இதுகுறித்த விவரங்களை போலீசார் பகிர்ந்த நிலையில், குஜராத் போலீசார் கொள்ளையர்கள் குறித்து தகவல் அளித்துள்ளனர். இதனையடுத்து குஜராத் மாநிலம் தாஹோட்டிற்கு சென்ற கோவை போலீசார், டவுசர் கொள்ளையர்கள் மூவரை கைது செய்தனர். குஜராத் நீதிமன்றத்தில் அவர்களை ஆஜர்படுத்திய போலீசார், கோவை அழைத்து வந்து மூவரிடமும் விசாரணை மேற்கொண்டுள்ளனர்.