காஞ்சிபுரம் வரதராஜ பெருமாள் கோவில் கும்பாபிஷேக விழாவிற்கான திருப்பணிகள் தொடங்கப்பட்டுள்ளது.இந்நிலையில் கிழக்கு கோபுரம், மேற்கு கோபுரம், உடையவர் சன்னதி ஆகியவற்றிற்கு பாலாலய உற்சவம் இன்று அதிகாலையில் நடைபெற்றது.ஸ்ரீதேவி, பூதேவியுடன் வரதராஜ பெருமாள் கண்ணாடி மாளிகையில் எழுந்தருளினார். அவருக்கு சிறப்பு திருமஞ்சனங்கள் நடத்தப்பட்டு சிறப்பு அலங்காரத்தில் காட்சியளித்தார்.பின்னர் அத்தி மரத்தினால் செய்யப்பட்ட பலகையில் வரையப்பட்ட கோபுரங்களுக்கும், உடையவர் மற்றும் ஆழ்வார்கள் திருஉருவங்களுக்கு சிறப்பு பூஜைகள், யாகசாலை பூஜைகள் செய்து, மேள தாளங்கள் முழங்க வேத பாராயணங்கள் ஒலிக்க, பாலாலய உற்சவம் வெகு விமர்சையாக நடைபெற்றது.