கிறிஸ்துமஸ் முடிந்து வீட்டிற்கு வந்த ஆசிரியருக்கு ஷாக்.. வேலூரில் பரபரப்பு | Vellore

வேலூர் மாவட்டம் பேரணாம்பட்டில் அரசு பள்ளி ஆசிரியர் வீட்டின் பூட்டை உடைத்து 25 சவரன் நகை, ஒரு லட்சம் ரூபாய் கொள்ளையடிக்கப்பட்ட சம்பவம் அதிர்ச்சியை ஏற்படுத்தி உள்ளது.

பேரணாம்பட்டு எல்.ஆர். நகர் பகுதியில் வசித்து வரும் அரசுப் பள்ளி ஆசிரியர் மோசஸ்.... இவர் குடும்பத்துடன் சொந்த ஊரான வாணியம்பாடிக்கு கிறிஸ்மஸ் கொண்டாடுவதற்காக சென்றுள்ளார். இந்நிலையில், கிறிஸ்மஸ் முடிந்து வீட்டிற்கு வந்த அவர், உள்ளே சென்று பார்த்தபோது வீட்டின் பின்பக்க கதவு உடைக்கப்பட்டு இருந்துள்ளது. பீரோவில் இருந்த 25 சவரன் நகை, ஒரு லட்சம் ரூபாய் பணம் கொள்ளையடிக்கப்பட்டு இருந்ததைக் கண்டு அதிர்ச்சி அடைந்த அவர், பேரணாம்பட்டு காவல் நிலையத்தில் புகார் அளித்தார். இதன் அடிப்படையில் கொள்ளைச் சம்பவம் தொடர்பாக போலீசார் விசாரணை மேற்கொண்டு வருகின்றனர். கிறிஸ்துமஸ் கொண்டாட்டத்திற்காக வெளியூர் சென்ற ஆசிரியரின் வீட்டில் கொள்ளையடிக்கப்பட்ட சம்பவம் அப்பகுதியில் பரபரப்பை ஏற்படுத்தியுள்ளது.