வீட்டில் லட்ச கணக்கில் திருடி விட்டு அசிங்கம் செய்த திருடர்கள் - கள்ளக்குறிச்சியில் அதிர்ச்சி

திருக்கோவிலூர் அருகே ஒரு லட்சம் மதிப்பிலான பொருட்களை கொள்ளையடித்து விட்டு, வீட்டில் சிறுநீர் கழித்து சென்ற கொள்ளையர்களை போலீசார் தேடி வருகின்றனர்.

கள்ளக்குறிச்சி மாவட்டம் சந்தப்பேட்டை பகுதியில் வசிக்கும் தேவராஜ் - கஸ்தூரி தம்பதியினர், சென்னையில் கல்வி பயிலும் தங்களது பிள்ளைகளை காண கடந்த 6-ம் தேதி சென்றுள்ளனர். இந்நிலையில் வீட்டின் கதவு உடைக்கப்பட்டு இருப்பதாக கிடைத்த தகவலின் பேரில் தேவராஜ் சென்று பார்த்தபோது, வீட்டிலிருந்த வெள்ளி பூஜை பொருட்கள், எல்.இ.டி டி.வி உள்ளிட்ட ஒரு லட்ச ரூபாய் மதிப்பிலான பொருட்கள் காணாமல் போனது தெரியவந்தது. வீட்டின் இரு இடங்களில் கொள்ளையர்கள் சிறுநீர் கழித்து சென்றதும் தெரியவந்தது. புகாரின் பேரில் போலீசார் விசாரணை மேற்கொண்டுள்ளனர்.