4 மணி நேரம்.. 30 காதைகள்.. 5,270 அடிகள்.. வேர்ல்டு ரெக்கார்டு செய்த விருதுநகர் பள்ளி மாணவிகள்

விருதுநகர் மாவட்டம் சாத்தூர் அருகே, 4 மணி நேரத்தில் சிலப்பதிகாரத்தை முழுமையாக முற்றோதல் செய்து அரசுப்பள்ளி மாணவிகள் சாதனை படைத்துள்ளனர். என்.சுப்பையாபுரம் அரசு மேல்நிலைப்பள்ளியில் பயிலும் மாணவிகள் வீரச்செல்வி, வேணி ஆகிய இருவரும், சிலப்பதிகாரத்தில் உள்ள மூன்று காண்டங்கள் மற்றும் 30 காதைகள் உள்ளிட்ட 5,270அடிகள் கொண்ட பாடல்களை, சுமார் 4 மணி நேரம் 6 நிமிடத்தில் முற்றோதல் செய்து சாதனை படைத்தனர். இந்த சாதனையை ஆல் இந்தியா புக்ஸ் ஆஃப் ரெக்கார்ட்ஸ் அமைப்பினர் பதிவு செய்து மாணவிகளுக்கு பாராட்டு சான்றிதழை வழங்கி கௌரவித்தனர்.