கையில் இரும்பு ராடோடு பயணிகளை ரத்தம் சொட்ட கொடூரமாக தாக்கும் இளைஞர்கள் - சென்னையில் பேரதிர்ச்சி

சென்னையின் பிரதான ரயில் நிலையத்தில் கையில் இரும்பு ராடுடன் இளைஞர்கள் போதையில் சுற்றித் திரிந்திருக்கின்றனர். இதில், ரயில் ஏற வந்த முதியவர் ஒருவருக்கு நேர்ந்த சோகம் பெரும் அதிர்ச்சியை ஏற்படுத்தி இருக்கிறது. விரிவாக பார்க்கலாம் இந்த செய்தி தொகுப்பில்..

பள்ளி சிறுவர்கள் முதல் கல்லூரி மாணவர்கள், வியாபாரிகள் என தினந்தோறும் ஆயிரக்கணக்கோர் வந்து செல்லும் சென்னை, ஆவடி அடுத்த இந்து கல்லூரி ரயில் நிலையத்தில்தான் இந்த சம்பவம்...

ரயில் நிலையத்திற்கு முழு போதையில் வந்த இளைஞர்கள், பிளாட்பாரத்தில் இருந்த இரும்பு ராடு, டியூப் லைட்டு உள்ளிட்டவற்றை கையிலெடுத்து, ரயிலுக்காக காத்திருந்த பயணிகளை மிரட்டும் தொணியில் அத்துமீறியது பெரும் பரபரப்பை ஏற்படுத்தி இருக்கிறது...

இதில், சிறுவர்கள் உட்பட சிலரை இளைஞர்கள் தாக்கியதாகவும் கூறப்படும் நிலையில், இறுதியில் ரயில் ஏற வந்த பரமசிவம் என்ற முதியவரை இளைஞர்கள் ரத்தம் சொட்ட சொட்ட தலையில் தாக்கி தப்பித்துச் சென்றது பெரும் அதிர்ச்சியை உண்டாக்கி இருக்கிறது..

நிலைகுலைந்து தள்ளாடிய முதியவரை, அங்கிருந்த பொதுமக்கள் மீட்டு சென்னை கீழ்பாக்கம் அரசு மருத்துவமனைக்கு அனுப்பி வைத்திருக்கின்றனர்..

போதை இளைஞர்களின் இந்த அடாவடியும், அப்பாவி மக்கள் மீதான அத்துமீறலும் பெரும் அதிர்ச்சியை ஏற்படுத்திருக்கும் நிலையில், சம்பவம் குறித்து விசாரணை நடத்தி வரும் போலீசார், வீடியோ ஆதாரத்தின் அடிப்படையில் தலைமறைவாக இருக்கும் இளைஞர்களை தேடி வருகின்றனர்.