`அமரன்' மூவி ஓடிய தியேட்டரில் பயங்கரம் - ரூ.200+ கோடி வசூல் என கொண்டாடிய SK ரசிகர்களுக்கு ஷாக்

நெல்லையில் சில அடையாளம் தெரியாத நபர்கள் அமரன் திரைப்படம் ஓடிக் கொண்டிருந்த தியேட்டரின் முன்பு பெட்ரோல் குண்டு வீசிய சம்பவம் அதிர்ச்சியை ஏற்படுத்தியுள்ளது.

நெல்லை மேலப்பாளையம் பகுதியில் உள்ள பிரபலமான அலங்கார் தியேட்டரில் அமரன் திரைப்படம் ஓடிக்கொண்டிருந்த போது தான், இந்த சம்பவம் அரங்கேறியுள்ளது..

நடிகர் கமலஹாசன் தயாரிப்பில் நடிகர் சிவகார்த்திகேயன் - சாய் பல்லவி நடிப்பில் தீபாவளிக்கு ரிலீஸ் ஆன படம், 'அமரன்'. இதுவரை பாக்ஸ் ஆபிஸில் 200 கோடிக்கும் அதிகமாக வசூல் செய்திருப்பதால் படக்குழு மகிழ்ச்சியில் உள்ளது.

இதனிடையே, இந்த திரைப்படத்திற்கு எதிர்ப்பு தெரிவித்து அதிகாலையில் நடத்தப்பட்ட, பெட்ரோல் குண்டு வீச்சு சம்பவம் பரபரப்பை ஏற்படுத்தி இருக்கிறது..

காலை நேரத்தில், தியேட்டர் வழியாக வந்த அடையாளம் தெரியாத 2 பேர், பெட்ரோல் நிரம்பிய பாட்டில்களை சிவகார்த்திகேயன் ரசிகர்கள் வைத்த பேனர்கள், டிக்கெட் கவுன்ட்டர், தியேட்டரின் நுழைவுப்பகுதி உள்ளிட்ட பகுதிகளில் வீசியுள்ளனர்...

தொடர்ந்து, தியேட்டர் நிர்வாகம் அளித்த தகவலின் பேரில், தடயவியல் நிபுணர்கள் அங்கு வந்த மேலப்பாளையம் காவல்துறையினர், மோப்ப நாய்களின் உதவியுடன் விசாரணை செய்து வருகின்றனர்..

இது தொடர்பாக, அங்கிருந்த சிசிடிவிகளை ஆய்வு செய்ததில், அதிகாலையில் தியேட்டரின் வாசலில் 2 பேர் கொண்ட கும்பல் பெட்ரோல் குண்டுகளை வீசிய காட்சிகள் இடம்பெற்றுள்ளன. இதுகுறித்து வழக்குப் பதிவு செய்த போலீசார், இந்து முன்னணி நிர்வாகிகள் சிலரை கைது செய்திருக்கின்றனர்.

இது தொடர்பான சிசிடிவி காட்சிகள் சமூக வலைத்தளங்களில் வைரலாகி வருகின்றன. இந்த நிலையில், அமரன் படம் ஓடிய தியேட்டரில் பெட்ரோல் குண்டு வீசப்பட்ட சம்பவம் சிவகார்த்திகேயன் ரசிகர்கள் மத்தியில் அதிர்ச்சியை ஏற்படுத்தியுள்ளது.. முன்னதாக, அமரன் திரைப்படத்திற்கு எதிர்ப்பு தெரிவித்து சில அமைப்புகள் போராட்டம் நடத்தியது குறிப்பிடத்தக்கது.