ஐ.சி.சி. புதிய தலைவர் யார் தெரியுமா? - வெளியான முக்கிய அறிவிப்புஐசிசியின் தலைவராக உள்ள கிரெக் பார்க்லேவின் பதவிக்காலம் நிறைவடையவுள்ள நிலையில், அந்த பதவிக்காக பிசிசிஐ செயலாளர் ஜெய்ஷா விண்ணப்பித்திருந்தார். இந்நிலையில் தற்போது ஐசிசியின் தலைவராக ஜெய்ஷா, போட்டியின்றி தேர்வு செய்யப்பட்டுள்ளதாக ஐசிசி அதிகாரப்பூர்வமாக அறிவித்துள்ளது. இதையடுத்து அடுத்த மூன்றாண்டுகளுக்கு ஐசிசியின் தலைவராக ஜெய்ஷா இருப்பார் என்று கூறப்படுகிறது. இதை தொடர்ந்து பிசிசிஐ செயலாளர் பதவியை ஜெய்ஷா விரைவில் ராஜினாமா செய்வார் என்றும் எதிர்பார்க்கப்படுகிறது. ஐசிசியின் தலைவராக பொறுப்பேற்கும் ஐந்தாவது இந்தியரான ஜெய்ஷா, தனது 35-வது வயதில் பொறுப்பேற்பதின் மூலம், இளம் வயதில் ஐசிசி தலைவராக தேர்வு செய்யப்பட்ட முதல் நபர் என்ற பெருமையை பெற்றுள்ளார்.