பெண் MP மீது தாக்குதல் நடத்திய விவகாரம்.. கேட்டதும் கொதித்து எழுந்த கெஜ்ரிவால்.. | Thanthitv

டெல்லி மதுபானக் கொள்கை முறைகேடு வழக்கில் கைது செய்யப்பட்ட முதல்வர் அரவிந்த் கெஜ்ரிவால், பல்வேறு சட்ட போராட்டத்திற்கு பின் அண்மையில் ஜாமினில் வெளிவந்துள்ளார். இதைத்தொடர்ந்து அவரை கட்சியினர் நேரில் சந்தித்து வருகின்றனர். அந்த வகையில், கெஜ்ரிவாலை நேரில் சந்திக்க சென்ற கட்சியின் எம்.பி. ஸ்வாதி மாலிவாலை, கெஜ்ரிவாலின் உதவியாளர் பிபவ் குமார், தாக்கியதாக குற்றச்சாட்டு எழுந்துள்ளது. இந்த சம்பவத்துக்கு பல்வேறு கட்சியினரும் கண்டனம் தெரிவித்துள்ளனர். இந்த விவகாரம் கெஜ்ரிவாலின் கவனத்துக்கு கொண்டு செல்லப்பட்டதும், கடும் நடவடிக்கை எடுக்க அவர் உத்தரவிட்டதாக, ஆம் ஆத்மி எம்பி சஞ்சய் சிங் கூறியுள்ளார்.