கட்சி தாவலால் கவுன்சிலருக்கு செருப்பு மாலை அணிய முயற்சி - கேரளாவில் பரபரப்பு

கேரளாவில் மாற்றுக் கட்சிக்குச் சென்ற கவுன்சிலருக்கு செருப்பு மாலை அணிய வந்த கவுன்சிலர்களால் பரபரப்பு ஏற்பட்டது... கோழிக்கோடு மாவட்டத்திற்கு உட்பட்ட ஃபரோக் நகராட்சியில் கவுன்சிலராக செயல்பட்டு வரும் ஷனுபியா நியாஸ் எல்ஜேடி கட்சியில் இருந்து முஸ்லிம் லீக் கட்சியில் இணைந்தார்.

இதனால் ஆத்திரமடைந்த இடது ஜனநாயக முன்னணி கவுன்சிலர்கள் நகரமன்ற கூட்டத்திற்கு சென்ற ஷனுபியா நியாசுக்கு செருப்பு மாலை அணிவிக்க முயன்றனர்... ஐக்கிய ஜனநாயக முன்னணியை சேர்ந்த கவுன்சிலர்கள் ஷனுபியாவை சுற்றி நின்று அவரை பாதுகாத்தனர்... இதனால் இரு தரப்பு கவுன்சிலர்களுக்கும் இடையே தகராறு ஏற்பட்டது... போலீசார் தலையிட்டு சமாதானம் செய்து வைத்தனர்.