திடீரென காணாமல் போன இன்ஜினியர்..! துப்பு கொடுத்த இன்ஸ்டாகிராம் - 8 மாதங்களுக்கு பின் நடந்த அதிசயம்

காணாமல்போன பொறியாளரை 8 மாதங்களுக்கு பிறகு இன்ஸ்டாகிராம் மூலம் போலீசார் மீட்டுள்ளனர்.ஓசூரை சேர்ந்த பொறியாளர் விஸ்வகுமார், கர்நாடக மாநிலத்திற்கு நண்பர்களோடு சென்றபோது திடீரென மாயமானார். விஸ்வகுமார் செல்போனை சுவிட்ச் ஆப் செய்திருந்த நிலையில் இன்ஸ்டாகிராம் அக்கவுண்டை தொடர்ந்து பயன்படுத்தி வந்துள்ளார். இதனை அறிந்த போலீசார், இன்ஸ்டாகிராமை கண்காணித்து வந்ததில், விஸ்வகுமார் கோவையில் இருப்பது தெரியவந்தது. கோவைக்கு சென்ற போலீசார் நேற்று அவரை மீட்டனர். இதையடுத்து கோவை சென்ற போலீசார், விஸ்வகுமாரை மீட்டு அவரது பெற்றோரிடம் ஒப்படைத்தனர்.