பிரதமர் மோடி பதவி ஏற்பு விழாவையொட்டி டெல்லியில் ஆளில்லா விமானங்கள், பாரா-கிளைடர்கள் பறக்க தடை விதிக்கப்பட்டுள்ளது. மூன்றாவது முறையாக பிரதமர் மோடி வரும் நாளை இரவு 7.15 மணிக்கு பதவியேற்க உள்ளார். பிரதமரின் பதவியேற்பு விழாவில் நேபாள், பூட்டான், இலங்கை உள்ளிட்ட பல்வேறு அண்டை நாடுகளின் தலைவர்கள், முக்கிய பிரமுகர்கள் என சுமார் 8 ஆயிரம் பேர் பங்கேற்க உள்ளனர். இந்நிலையில், பாதுகாப்பு காரணங்களுக்காக ஜூன் 9 ஆம் தேதி டெல்லியின் அதிகார வரம்பில் ஆளில்லா விமானங்கள், பாராகிளைடர்கள், பாரா மோட்டார்கள், ஹேங் கிளைடர்கள், யுஏவிகள் உள்ளிட்டவைகளை பறக்க விட டெல்லி காவல்துறை தடை விதித்துள்ளது. இந்த கட்டுப்பாடுகள் அடுத்த இரண்டு நாட்களுக்கு நடைமுறையில் இருக்கும் எனவும தெரிவிக்கப்பட்டுள்ளது.