புது வரவாய் புதிய டாஸ்மாக் கடை.. "அது எங்களுக்கு வேண்டாம்" - நடுரோட்டில் படுத்து போராடிய மக்கள்!

சேலத்தில் புதிய டாஸ்மாக் கடை அமைப்பதற்கு எதிர்ப்பு தெரிவித்து, சாலை மறியலில் ஈடுபட்ட 100க்கும் மேற்பட்டோரை போலீசார் கைது செய்தனர். சேலம் நான்குரோடு பகுதியில் டாஸ்மாக் கடை அமைக்க நடவடிக்கை எடுத்து வரும் நிலையில், அதற்கு எதிர்ப்பு தெரிவித்து போராட்டம் நடைபெற்றது. இப்பகுதியில் மதுபானக்கடை அமைத்தால் பொதுமக்கள் மிகுந்த சிரமத்திற்கு ஆளாவதுடன், பாதுகாப்பற்ற சூழல் ஏற்படும் என தெரிவித்தனர். சாலை மறியல் காரணமாக, இரண்டு கிலோமீட்டர் தூரத்திற்கு கடும் போக்குவரத்து நெரிசல் ஏற்பட்டது. போராட்டத்தில் ஈடுபட்ட நூற்றுக்கும் மேற்பட்டோரை போலீசார் வலுக்கட்டாயமாக இழுத்துச் சென்று கைது செய்தனர்.