விடை பெறுகிறாரா ஜாம்பவான் ஃபெடரர்?
சர்வதேச டென்னிஸ் போட்டிகளில் இருந்து ஓய்வு பெற இருப்பதாக சுவிட்சர்லாந்தை சேர்ந்த நட்சத்திர வீரர் ரோஜர் ஃபெடரர் சூசகமாக கூறி உள்ளார். காயம் காரணமாக கடந்த ஓராண்டுக்கும் மேலாக டென்னிஸ் போட்டிகளில் ஃபெடரர் பங்கேற்கவில்லை. நடந்து முடிந்த விம்பிள்டனிலும் அவர் விளையாடவில்லை. இந்நிலையில், தொடர்ந்து சிறப்பாக விளையாட முடியாவிட்டால், விலகிவிடுவதே சிறந்த முடிவு என ஃபெடரர் கூறி உள்ளார். பத்திரிகை ஒன்றுக்கு பேட்டியளித்த அவர், எப்போதும் தன்னால் டென்னிஸ் விளையாட முடியாது என்பதை தான் அறிவேன் என தெரிவித்து உள்ளார். இதனால், விரைவில் ஃபெடரர் ஓய்வு அறிவிப்பை வெளியிடுவார் என எதிர்பார்க்கப்படுகிறது.