35 நாட்களில் 1207 கிமீ தூரம் சைக்கிளில் பயணம்...! மிரட்டி விட்ட 82 வயது முதியவர்

வெறும் 35 நாட்களில் ஆயிரத்து 200 கிலோ மீட்டர் தூரத்தை சைக்கிளிலேயே கடந்து சாதித்துள்ளார் சேலத்தைச் சேர்ந்த 82 வயது முதியவர் ஒருவர்...

சேலத்தை சேர்ந்த 82 வயதான முதியவர் கனகசபாபதி, கடந்த 30 வருடங்களுக்கும் மேலாக தினந்தோறும் சைக்கிள் பயணம் மேற்கொண்டு வருகிறார்... தமிழகத்தில் உள்ள பல மாவட்டங்களுக்கும் அவர் சைக்கிள் பயணம் செய்துள்ள நிலையில், சேலத்திலிருந்து சீரடிக்கு சைக்கிளில் செல்லத் திட்டமிட்டார். இதனையடுத்து கடந்த பிப்ரவரி 16ம் தேதி சேலத்தில் இருந்து தனது பயணத்தை துவக்கிய கனகசபாபதி, பல்வேறு மாநிலங்களை கடந்து ஏப்ரல் மாதம் 22ம் தேதி சீரடிக்கு சென்று சாய்பாபா கோயிலில் தரிசனம் மேற்கொண்டார். மொத்தம் ஆயிரத்து 207 கிலோமீட்டர் தூரம் சைக்கிள் பயணம் மேற்கொண்ட இவருக்கு வழியெங்கிலும் தன்னார்வலர்கள், பொதுமக்கள் உற்சாக வரவேற்பு கொடுத்து ஊக்குவித்தனர். இந்நிலையில் கனகசபாபதி சேலம் திரும்பிய நிலையில் அவருக்கு தார தப்பட்டை கோலாட்டம், மயிலாட்டம், ஒயிலாட்டத்துடன் உற்சாக வரவேற்பளிக்கப்பட்டது.